Tuesday, October 12, 2010
انا غبي و مضايق
النهارده عملت حركه غبيه جدا في شغلي المفروض أننا بناخد بريك ساعه الضهر و بنرجع تاني الشغل المهم انا النهارده ما رحتش البريك قلت اقعد اشتغل وأروح بدري ساعه الساعه 4 المهم عملت كده وانا ماشي قابلني في وشي مدير الموارد البشريه اللي هو احد ابناء صاحب العمل عندنا وقالي انت ماشي ساعه بدري ليه قلت له أنا اشتغلت الساعه الضهر بدل ما أروح بريك قلت امشيها بدري النهارده قال ليه لا انت بعد كده تمشي في وقتك وانت المفروض ماتمشيش بدري وانت عامل شكوى من فتره ان الناس في باص الشغل بتسيبك و تمشي بدري والناس ماشيه دلوقتي في مواعيدها و انت ماشي بدري انا ساعتها اتحطيت في وقت محرج جدا ماعرفتش اقول ايه!!!!! حاسيت أكن الارض عاوزها تنشق و تبلعني الهم قلت له حاضر مش هعمل كده تاني مش عارف هو ممكن يكون موقف اهبل بس انا اضايقت جامد حسيت انه ممكن يسيب انطباع وحش عنده و انا لسه جديد في الشغل مع اني كنت اجتهد في الشغل النهارده جدا و كنت مبسوط من شغلي جدا أنا مضايق عااااااااااااااااا
Subscribe to:
Post Comments (Atom)
No comments:
Post a Comment